اسلام آباد: نگراں وفاقی حکومت نے جمعرات کو مزید 34 بلوچ مظاہرین کو رہا کر دیا جنہیں گزشتہ ہفتے اسلام آباد میں پولیس کریک ڈاؤن کے دوران گرفتار کیا گیا تھا۔

اعلامیہ میں کہا گیا ہے کہ نگران وزیر اعظم انوار الحق کاکڑ کی تشکیل کردہ مذاکراتی کمیٹی کے مشورے پر تمام زیر حراست بلوچ مظاہرین کو رہا کیا گیا ہے۔ اس میں مزید کہا گیا کہ گرفتار مارچ کرنے والوں کو قانونی تقاضے پورے کرنے کے بعد رہا کیا گیا۔

نگراں وزیر نجکاری فواد حسن فواد کی سربراہی میں وزیر اعظم کی مذاکراتی ٹیم نے مظاہرین سے مذاکرات کیے۔ مظاہرین نے گرفتار افراد کی فوری رہائی کا مطالبہ کیا۔

مذاکرات کے پہلے دور کے بعد حکومت نے ان تمام احتجاجی خواتین کو رہا کرنے کا حکم دیا تھا، جنہیں پولیس کریک ڈاؤن کے دوران حراست میں لیا گیا تھا۔

یہاں یہ بات قابل ذکر ہے کہ لوگ رواں ماہ کے شروع میں تربت میں کاؤنٹر ٹیررازم ڈیپارٹمنٹ کے اہلکاروں کے ہاتھوں ایک بلوچ نوجوان کے "ماورائے عدالت قتل" کے خلاف احتجاج کر رہے تھے۔

6 دسمبر کو شروع ہونے والا بلوچ خواتین کی قیادت میں لانگ مارچ بدھ 20 دسمبر کو اسلام آباد پہنچا۔